Planina Komovi se prostire u jugoistočnom dijelu Crne Gore, između Bjelasice i Prokletija, te rijeka Lima i Tare.
Komovi su sa Durmitorom i Bjelasicom najimpozantniji masiv u dinarskom sistemu planina. Raznovrsna i jedinstvena flora i fauna, bezbroj bistrih planinskih izvora i rijeka, mnoštvo kulturnih spomenika, crkava i manastira, kao i toplina naroda koji živi pod Komovima ne mogu Vas ostaviti ravnodušnim. Naprotiv, kada se nađete u carstvu bukovih i četinarskih šuma iznad kojih se kao titan u moru izdižu Komovi, dah zastaje “pred veličanstvom prirode”.
Komovi pod svojim imenom ujedinjuju tri planine: Kom Vasojevićki 2460m; Kom Kučki 2487m; Kom Ljevorečki 2453m. Komovi su visoki oko 2500m, a njegove visine se ne mogu sagledati ni najsavremenijim dvogledom.
